Қырандар мен қазақтар - page 11

11
Жылдарға ұшып барам мен
Жылдарға ұшып барам мен,
Қатігез мына заманмен,
Күркіреп жатқан көкейде
Бір емес, мың-мың сауалмен.
Жылдарға ұшып барам мен,
Көктемдер , сені санаумен.
Арпалыстар мен ашуды
Жүрегім, саған қамаумен .
Жылдарға ұшып барам мен,
Шамдары жанған ғаламмен ,
Алматым, Алатауыммен,
Азаттық келген алаңмен.
Жылдарға ұшып барам мен,
Адаммен, көп-көп адаммен.
О, менің əппақ жүрегім,
Сендегі титтей алаумен.
Жылдарға ұшып барам мен,
Жердегі барлық алаңмен ,
Жұбатқан мұңды даланы
Қолдағы қайран қаламмен.
Қолдағы қайран қаламмен
Жылдарға ұшып барам мен!!!