Қырандар мен қазақтар - page 5

5
Құстарды ешкім күтпейді
Құс тұмауынан əлемде 89 адам қайтыс болды
Газеттен
Отаны оған бағалы
Орманы оған бағалы.
Құс адамнан ақылды,
Құс адамнан саналы.
Жүрегі оның жаралы,
Жүрегі оның қаралы .
Туған жері де, өйткені.
Жерініп теріс қарады.
Ашылып кетті араны,
Құсқа да жала жабады.
Адамдар ғана осындай,
Опасыз бола алады.
Қоштасып айдын сауықпен ,
Құстарға неге жауықты ел?
Ендіктер мен бойлықтар,
Қарайды көкке қауіппен.
“Əлемге қетер төнді ме?
Құс адамзатты жеңді ме ?” -
Теледидар мен тораптар,
Айтатын басты əңгіме.
Сылдыр да сылдыр тиындар
Санады өңкей жиындар.
Дөңгелек үстел өткізді
Халықаралық ұйымдар.
Базары құстың тарқады,
Базары құстың тарқады.
Құдайдан қорықпайтындар
Құстардан бүгін қорқады!
Жетпеді атом бомбасы,
Қаруға толы қоймасы.
Дүние сені жұтудың ,
Табылды жаңа айласы .
Жау жүр ме, Ұлы қоныста,
Құстар-ау, құстар болыспа.
Килікті əлем сендермен,
Бактериологиялық соғысқа.