Қырандар мен қазақтар - page 30

30
*****
Қатігез күннің қылығын ,
Жапырақтардың дірілін ,
Арамдықтарын адамның
Жек көретіндердің бірімін.
Мұнара арман, мұнара,
Аласармашы күн ара.
Жердегі барлық жеңісім
Сезімталдықтан шығар, ə?
Балдырған көзді арманым,
Жанғаның керек, жанғаның.
Қулығы көп-көп өмірден
Ешқайда кете алмадым.
Шаршаған жоқпын, шалдықтым,
Басымнан өткен барлық мұң ,
Жекпе-жекке де шығайын
Жыға алсаң жықшы, ал мықтым.
Əй, қайдам, менің жанымды,
Жүрегімдегі əнімді
Өшіре алған ешкім жоқ
Жанарымдағы жалынды.
Мазамды ал, тіпті, əурелен,
Аласармайды-ау тау деген.
Жаралды жаным-жапырақ
Таудан құлаған сəуледен.
Сəулені жеңу мүмкін бе ?
Сəулені жеңу мүмкін бе ?
Жеңістерімнің барлығы
Тау болып кетті бір күнде