Қырандар мен қазақтар - page 34

34
*****
Өтегенім-ай, ақ жауын жауды
сілкін бір,
Өрмелеп кетем кемпірқосаққа
мүмкін бір.
Мұңайып тұрған мұржаларды да
ұнаттым,
Көшелеріңде, өйткені менің
күлкім жүр!
...Үлбіреп қана үйеңкілерім
əлі тұр,
Айтатын сынды жапырақтардың
бəрі сыр.
Жапырақ терген балалық шаққа
неге осы
Таусылар емес сағыныштарым
бəрібір?!
Есейгім келмей , есейгім келмей
жылда мен,
Тұншығар ма екем жүрегімдегі
мұңға мен .
Бірге ұшып кеткім келеді,
айхай, арман-ай,
Қаз-қатар ұшқан, қаз-қатар ұшқан
тырнамен!
Сұрақ көп менде. Ай бетінде де
көп сұрақ ,
Сұрақты қайтем? Керегі маған
от-шырақ .
Бақытты күндер — көл-көсір , ана,
көл-көсір,
Бақытты өмір, бақытты өмір
жоқ бірақ!