Қырандар мен қазақтар - page 44

44
*****
Тамшылар ойнап таңменен
Асфальттің бетін тұр сүйіп.
Бəрібір, зəулім əрлі емен,
Мендегі арман тым биік.
Гүрілдеп ұшақ аспанда...
Зырқылдап кетті маңдайым.
Жоспарлап жатам ақшамда
Ақ таңдарымның жағдайын.
Қайнаған қала -орманның
Сүйкімдісін-ай, кештің де,
Жүрегім менің, арманның
Томағаларын шештің бе ?
Көгалдарменен, гүлзармен,
Көбелек қонды мүйіске,
Жарқылдақ қала , сендермен
Жаным қалғуы тиіс пе?
Дүлейлеу дауылдардан соң,
Бағынбан ережелерге.
Сəулемін жауындардан соң
Қарайтын терезелерге!
Жұлдызды төсеп жолыңа...
Даланың əні күмбірлеп,
Көгершін-арман , қолыма
Қондырып алам бір-бірлеп!