Қырандар мен қазақтар - page 40

40
*****
Аспандағы Күнмен бірге күлем,
Айналамда абзал жандар кілең.
Дауылдарда, қарлы құйындарда
Өлеңімнің өлмейтінін білем.
Арманым-ай, Күнге өрмелеп күндіз,
Түндердің де түндіктерін түргіз.
Ақ жаңбырда менмін, менмін ылғи
Бақыт іздеп аласұрған бір қыз!
Ақ жаңбырлы шақтарымды сез де,
Қуаныштар, қонақтай бер көзге.
Үмітім-ай, қол соғасың əлі
Жұлдыздарды жалт қаратқан кезге!